Куртоа се враќа, но нема да брани во Лигата на шампионите

Првиот голман на Реал Мадрид, Белгиецот Тибо Куртоа би требало да се врати во првиот тим по тешката повреда на коленото, изјави на прес-конференција тренерот на Реал, Карло Анчелоти.

Реал игра со Кадиз во шпанската лига и тоа треба да биде првиот натпревар на Куртоа за кралскиот клуб оваа сезона.

Но тренерот на Реал изјави дека Куртоа нема да брани во Лигата на шампионите. Андриј Лунин е првиот избор на Анчелоти во среда, кога Реал во Мадрид ќе го одигра реваншот против Баерн.

Украинецот беше одличен за Реал во елитното европско натпреварување и Анчелоти не сака да го стартува Куртоа, кој штотуку се опорави.

На прашањето кој ќе брани доколку Реал влезе во финалето на Лигата на шампионите, тој одговори: „Не знам“.