Милан се засилува со плејмејкерот на Реал Мадрид

Милан е силно заинтересиран и започнал преговори со Реал Мадрид за плејмејкерот Дани Себаљос, пренесуваат италијанските медиуми.

27-годишниот плејмејкер минатото лето одби неколку понуди со цел да се докаже дека вреди во тимот на Карло Анчелоти, но сега е разочаран и самиот сака да ја промени средината.

Интерес за Себаљос покажуваат неколку клубови од Серија А, но Милан е спремен да ја победи конкуренцијата и започнал преговори.

Реал е спремен да го пушти за 10 милиони евра сума која нема да биде проблем за „росонерите“.