Тренерот на Реал Мадрид, Карло Анчелоти денеска изјави дека бразилскиот дефанзивец Едер Милитао се опоравил од тешката повреда на коленото и би требало да заигра на натпреварот против Атлетик Билбао.
Зошто проблемот со улични кучиња СÈ УШТЕ постои? | Уште еден поткаст
“Можеби ќе настапи утре и тоа е најважната вест. Тренираше добро, се уште не 100% спремен бидејќи не одиграл на натпревар, но можеме да сметаме на него”, изјави Анчелоти на прес-конференцијата.
Милитао ги скина предните вкрстени лигаменти на левото колено во август и се очекуваше да паузира една година, односно да се врати пред почетокот на наредната сезона, меѓутоа Бразилецот се опорави многу порано од предвиденото. Ова е добра вест и за Бразил бидејќи тој ќе биде во комбинација за настап за репрезентацијата на Бразил на Копа Америка.
Анчелоти не ја отфрли можноста Милитао да биде во стартниот состав на првиот натпревар од четвртфиналето на Лигата на шампионите против Манчестер Сити, дури и ако на Бразилецот му „фали малку фудбал во нозете“.
Натпреварот против Билбао, Реал Мадрид го игра утре од 21:00 часот.
Учество во игри на среќа е дозволено за лица со 18+ години. Играј одговорно!