Родриго не се плаши од конкуренцијата на Мбапе, ќе се бори за место во тимот

Родриго разговарал со пријателот и соиграч од Реал Мадрид, Винисиус Жуниор и му кажал дека сака да остане во шпанскиот гигант без разлика на тоа дали ќе дојде Килијан Мбапе.

Многумина сметаат дека Родриго ќе биде „жртва“ по доаѓањето на Мбапе, но бразилскиот фудбалер вели дека може да се избори за место во тимот.

„Сакам да останам и да се борам за место со Мбапе и Ендрик. Ако бидам најдобар, Анчелоти нема да има избор. Немам намера да заминам, тоа не е решение“, кажал Родриго.

Шпанските медиуми шпекулираат дека Родриго ќе се пресели во Премир лигата за 120 милиони евра.