Славниот Гари Каспаров Русија го прогласи за терорист!

Eден од најголемите шаховски велемајстори во историјата, Гари Каспаров во Русија е прогласен за терорист.

Имено, руската финаниска разузнавачка служба објави дека Каспаров е додаден на листата „терористи и екстремисти“. Во прашање е повеќекратен светски шампион во шах кој долги години е и противник на Владимир Путин.

Стравувајќи од правна постапка од режимот во Русија, Каспаров подолг период живее во САД. Руските власти претходно го означија како „странски агент“ во 2022 година.

Во период од 1985 до 1993 година Каспаров беше светски шампион, а до 2000 година беше светски шампион на Федерацијата на професионални шахисти кој ја формираа заедно со Најџел Шорт.

Покрај Каспаров само уште двајца шахисти можат да се пофалат со шест светски титули, тоа се Еманел Ласкер и Антолиј Карпов.