„Имам чувство дека Мбапе веќе потпишал за Реал Мадрид“

Претседателот на шпанската Ла Лига, Хавиер Тебас вели дека трансферот на Килијан Мбапе во Реал Мадрид е договорен и се чека само официјална потврда.

Еден од најдобрите светски напаѓачи со години се поврзува со „кралевите“, а неодамна ПСЖ му соопшти дека нема да го продолжи договорот.

Откако денеска емирот на Катар најави состанок со Мбапе, но не за неговата иднина, стана јасно дека Французинот донел конечна одлука и нема да отстапи од истата.

„Имам чувство дека Килијан Мбапе веќе потпишал за Реал Мадрид“, изјави Тебас.