Баерн го тресе голема криза. По поразот од лидерот Баер Леверкузен (3:0) со кој актуелниот шампион ја зголеми разликата до единствениот конкурент за титулата и загубениот прв натпревар од првата нокаут рунда од Лигата на шампионите кај Лацио (1:0 ), следеше нов шок.
Баерн загуби и од просечниот Бохум (3:2) во Бундеслигата. Баерн загуби три натпревари по ред.
Исхрана, повреди и тренинг – совети од доктор по спортска медицина | Уште еден поткаст
Последен пат тоа му се случи пролетта 2015. Незапирливиот Леверкузен повторно победи, па Баерн сега на 12 кола пред крајот заостанува цели 8 бода зад водечкиот тим.
Секако, сето горенаведено значи дека тренерот на Баерн е под огромен притисок. Синоќа по натпреварот, најсигурниот извор во врвниот фудбал Фабрицио Романо напиша: „Во тек се консултации со челниците на Баерн. Работата на Тухел е под знак прашалник. Директорите и претседателот на клубот одлучуваат за иднината на тренерот“. Околу полноќ, Романо донесе нова вест: „По состанокот на клупскиот врв, Баерн реши да продолжи со Тухел“.
Секако, Тухел сега треба да победува во серија ако сака да ја задржи работата, а пред него има голем предизвик. Дербито со Лајпциг во Бундеслигата и реваншот во Лигата на шампионите против Лацио.
Учество во игри на среќа е дозволено за лица со 18+ години. Играј одговорно!