ПСЖ го напушта „Паркот на принцовите“

Пари Сен Жермен ќе го напушти стадионот „Паркот на принцовите“ откако Градскиот совет на Париз потврди дека стадионот не е на продажба, изјави претседателот на клубот Насер Ал-Келаифи.

„Премногу е лесно да се каже сега дека стадионот повеќе не е на продажба. Знаеме што сакаме, потрошивме години обидувајќи се да го купиме. Сега е полесно, знаеме што сакаме. За нас е готово. Сакаме да се селиме од Паркот на принцовите“, изјави Ал-Келаифи

Градот беше експлицитен во својот став дека култниот стадион не е на продажба, што стави крај на долгогодишните обиди на ПСЖ да го преземе од градот.

Според француските медиуми, ПСЖ сега е најблиску до одлука што поскоро да започне изградба на нов стадион во реонот на Париз.