Алегри останува во Јувентус до 2025 година

Иако до неодамна актуелни беа шпекулациите за евентуална смена на Масимилиано Алегри, сепак искусниот стратег сигурно и во иднина ќе остане на кормилото на Јувентус.

„Газета дело Спорт“ објави дека Алегри разговарал со спортскиот директор Кристијано Џунтоли за новите засилувања за следната сезона.

Раководството на Јувентус е задоволно од Алегри и планира да го задржи до крајот на договорот, по што постои опција да се почнат преговори за нова соработка.

Алегри има договор со Јувентус до јуни 2025 година, а оваа сезона се бори за Скудетото и врши одлична работа.