Карабатиќ испиша историја, стана најдобар стрелец во историјата на ЕП

Легендарниот француски ракометар, Никола Карабатиќ на натпреварот против Хрватска, стигна до еден нов и престижен рекорд, со кој стана најдобар стрелец во историјата на Европските првенства.

Франција со 34:32 ја совлада Хрватска во главната фаза на Европското првенство за важен чекор кон полуфиналето.

Петтиот погодок на 39-годишниот Карабатиќ против „коцкестите“ значеше и негов 289-ти што го направи најдобар стрелец во историјата на европските првенства откако го надмина учинокот на Исланѓанецот Валур Гудјон Сигурдсон.

Моментно на второто место на вечната листа е Данецот Микел Хансен со 276 голови.