Меси и Халанд имаа исто бодови. Еве зошто Лео е прогласен за најдобар на светот

ЛИОНЕЛ МЕСИ (36) е прогласен за најдобар фудбалер во 2023 година по избор на ФИФА.

Аргентинецот имаше 48 поени, исто колку и норвешкиот голгетер на Манчестер Сити, Ерлинг Халанд (23).

Но, Меси го доби признанието затоа што поголем број капитени на репрезентациите му дадоа максимални пет бода, а така гласи членот 12 од правилникот за избор.

Напаѓачот на ПСЖ, Французинот Килијан Мбапе (25) собра 35 бода и го освои третото место.

Иако беа финалисти, ниту еден од тројцата фантастични фудбалери не се појавија на церемонијата наречена „The Best FIFA Football Awards“ која се одржа во Лондон.