Срамно однесување на навивачите во Саудиска Арабија. Го исвиркаа едноминутно молчење за Бекенбауер

Што друго да се каже освен – срамота!

Реал Мадрид се пласираше во финалето на шпанскиот Суперкуп со победата од 5-3 над градскиот ривал Атлетико, а самиот меч имаше скандалозна увертира.

Имено, пред почетокот на натпреварот со едноминутно молчење му се оддаде почит на покојниот Франц Бекенбауер, најголемиот германски фудбалер на сите времиња.

И додека играчите стоеја во круг на средината на теренот, саудиските навивачи во дресовите на шпанските клубови – свиреа.

EMOTIVO MOMENTO EN EL AL AWAL ⚫

▶️ Minuto de silencio en memoria de Franz Beckenbauer.

🎙️ @aruli75 y @jbuscalia#SupercopaEnDSPORTS | #superSupercopa pic.twitter.com/pFMFOJrEsp

— DSports (@DSports) January 10, 2024

Истото го направија и во 67. минута кога Тони Крос го замени Модриќ и секогаш кога Германецот беше во контакт со топката.

Сето тоа поради коментарите на фудбалерот за трансферот на 21-годишниот Габрио Веига од Селта Виго во Ал-Ахли.

А потоа, по ваквото срамно однесување, навивачите се „наградени“ со спектакл. Осум гола, 120 минути и три пресврти – Реал во финалето на шпанскиот Суперкуп.