Поранешниот капитен на Барселона и член на трофејната шпанска репрезентација, Жерар Пике, најави враќање во фудбалот, овој пат како тренер.
„Ова е нова година и по внимателно размислување решив да му се вратам на фудбалот. Ми недостига. Но овојпат нема да бидам играч, туку тренер. Ќе споделам повеќе детали на крајот на неделата“, напиша Пике на социјалните мрежи.
Уште еден поткаст! Fat Cacko: Од гитара до Fat kitchen bistro и најдобриот бургер во градот ↓↓↓
Пике се пензионираше во ноември 2022 година, откако го загуби местото во тимот на Барселона.
Тој цели 14 години помина во првиот тим на Каталонците, забележа 616 настапи и беше дел од најтрофејната генерација на клубот.