Португалскиот клуб Боависта се соочува со проблеми откако фудбалерите одбиле да тренираат бидејќи не земале плата во изминатите три месеци.
Финансиската состојба во клубот е катастрофална, а фудбалерите се надеваат дека со одбивањето да тренираат ќе го примораат клубот да најде излез и решение од оваа ситуацијата.
Дербија во Мадрид и Минхен: Последна шанса за Тен Хаг? ↓↓↓
Следниот натпревар Боависта го игра против Жил Висенте на 30-ти декември, па останува да се види каква ќе биде ситуацијата во наредните денови.
Боависта во Португалија се смета за еден од најголемите клубови зад големата тројка Бенфика, Спортинг и Порто. Низ историјата долга 120 години освоија една титула во првенството, пет куп-трофеи и три Суперкупа.
Во овој момент тие се на 11-тата позиција на табелата, а имаа фантастичен почеток и беа лидери во првенството по пет кола.