Осимхен ја освои големата награда пред ѕвездите на ПСЖ и Ливерпул

Африканската фудбалска организација чадор CAF на специјална церемонија го прогласи Виктор Осимхен, 24-годишниот напаѓач на нигериската репрезентација и Наполи, за најдобар африкански играч во 2023 година.

Осимхен беше најдобар стрелец на клубот од југот на Италија во првиот поход кон шампионската титула по 33 години.

Летово стана најдобар стрелец во Серија А, а се предвидува дека во јануари или следното лето би можел да оствари трансфер вреден повеќе од 100 милиони евра во некој од европските гиганти и со тоа да стане најскап играч во историјата на Наполи.

На изборот за играч на годината во КАФ, тој заврши пред второпласираниот Мароканец Ахраф Хакими (ПСЖ) и третопласираниот Египќанец Мохамед Салах (Ливерпул).

За Салах ова е најлошиот пласман на последните пет избори. Тој беше победник во 2017 и 2018 година, а во 2019 и 2022 година заврши на второто место, двата пати зад Садио Мане, додека наградата не беше доделена во 2020 и 2021 година.

Осимхен стана првиот Нигериец кој ја освоил наградата за најдобар африкански играч по Нванква Кану во 1999 година: „Ова е остварување на сонот. Им благодарам на сите што ми помогнаа на тој пат“.