Идната ѕвезда на Реал: Моите родители гладуваа. Тоа ми дава сила

Младиот Бразилец Ендрик (17) неодамна го прослави освојувањето на првиот трофеј во сениорската кариера во кој му се предвидуваат уште многу успеси.

Неговиот Палмеирас стана шампион на Бразил, а тинејџерот постигна 11 гола во шампионската кампања на клубот од Сао Паоло.

Тој од Бразил ќе замине наскоро. Потписот на Ендрик веќе го обезбеди Реал Мадрид. Кралскиот клуб реагираше веднаш штом Палмеирас стана подготвен да преговара и плати 60 милиони евра отштета за да ги обезбеди неговите услуги почнувајќи од летото 2024 година, што е рекорд за бразилските клубови.

Ендрик ќе му се приклучи на Реал во јуни следната година бидејќи бразилските прописи не дозволуваат малолетните играчи да ја напуштат земјата, исто како и неговите сонародници и сегашните ѕвезди на Реал Винисиус и Родриго.

Ендрик сега го посети англискиот Гардијан кој направи големо интервју со младиот Бразилец. Во него тој зборуваше за тешкиот живот на неговото семејство:

„Никогаш не гладував, но моите родители гладуваа. Тие гладуваа поради мене. Тоа ми даде многу сила затоа што не сакав да ги видам како повторно го прават тоа. Не сакав да ги видам во потреба, да ми дадат храна и да останат без неа“.