Доказите се сериозни: Алвес може да помине и повеќе од една деценија во затвор

Дани Алвес се уште е во притвор, а адвокатите побарале максимална казна од 12 години.

Бразилецот е оибвиент за сексуален напад на девојка на 30 декември во Барселона. Истражниот суд во август поднесе обвинение и тогаш беше потенцирано дека има доволни докази за судењето кое се очекува следната година.

Додека е во притвор екс-дефанзивецот на Барселона ги негираше обвинувањата. Исто така обвинителите побарале од Алвес да исплати казна од 150.000 евра на жртвата и да му се забрани било каков контакт со неа.

Барањата се тој да остане под надзор и една деценија по излегувањето од затвор. Алвес бараше да биде ослободен со кауција меѓутоа таквите барања беа одбиени бидејќи постои ризик од бегство.

Во кариерата 40-годишниот Алвес има 42 титули и ќе остане запаметен како еден од најдобрите во историјата на својата позиција.