Џирона киксна, Реал Мадрид е лидер во Ла Лига

Џирона и Атлетик Билбао ремизираа 1:1 во последниот натпревар од 14. коло на шпанскиот шампионат.

По првото полувреме без голови, Џирона поведе во вториот дел. Виктор Циганков погоди во 55. минута за водство на Џирона од 1:0, но брзо следеше израмнување. На 1:1 израмни Инаки Вилијамс во 67. минута по одлична соло акција.

Џирона сега има исто бодови со Реал Мадрид, но Кралскиот клуб останува на првото место на рангирањето.

Атлетик Билбао се искачи на петтото место со бод пред Реал Сосиедад. Двете најсилни баскиски екипи имаат по 25 бода.