Капитенот на Македонија, Енис Барди кој даде гол со кој нашата репрезентација одигра 1:1 против Англија, по мечот порача дека посакува селекторот Благоја Милевски да остане на чело на националниот тим.
-Со селекторот Милевски направивме многу добри работи и во репрезентацијата до 21 година и сега во овој момент.
Исхрана, повреди и тренинг – совети од доктор по спортска медицина | Уште еден поткаст
Мислам дека се познавме добро и дај Боже да продолжиме да соработуваме заедно. Не ги знам деталите од неговиот договор само знам дека го почитувам многу и имам голем респект за него.
Зборевме цела година како треба да се игра за репрезентација, да се излезе на терен и се остави срцето. Така беше денеска и на крај го земавме тој бод кој многу нѐ радува.
Една мала Македонија заслужено зема бод против Англија и мислам дека ова е знак за иднината. Можеме против секој да се натпреваруваме, рече Барди.
Учество во игри на среќа е дозволено за лица со 18+ години. Играј одговорно!