Што значеа необичните знаци на Израелците пред почетокот на натпреварот против Косово?

Во заостанатиот натпревар од квалификациите за Европското првенство 2024 година, Косово вчера го победи Израел во Приштина со 1:0.

Единствениот гол на натпреварот го постигна Милиот Рашица во 41. минута. Натпреварот беше одигран со високи мерки на претпазливост, а пред почетокот додека се изведуваше химната на Израел од трибините се слушаа свирежи.

Но, беа забележани и некои необични знаци кои ги покажуваа фудбалерите на Израел. Подоцно е објаснето дека покажувале половина срце оддавајќи почит на заложниците кои ги држи Хамас во Газа.

„Тоа покажува дека срцето не е цело без нивното враќање дома. Моментот беше испратен со гласни свирежи од навивачите на Косово“, пишуваат израелските медиуми.