![](https://sportski.mk/wp-content/uploads/2023/11/Screenshot_26-850x491.jpg)
Исак Куенка ќе остане запаметен како еден од поголемите таленти кои добија прилика во времето на Пеп Гвардиола, но за разлика од некои други тој не ги оправда очекувањата.
По периодот во Барселона, Куенка се обидуваше да се врати на вистинскиот пат со епизодите во Ајакс, Депортиво Ла Коруња и Гранада, меѓутоа не успеа. Голем проблем му правеа повредите и хроничните проблеми со коленото.
Лига Нации: Се освен прво место ќе биде катастрофа за Македонија! ↓↓↓
Крај на кариерата стави на 32 години и се фокусиршае на бизнис кој го развива со помагала за спортската медицина. Сега направи една ретроспектива на неговата кариера.
„Со фудбалот научив лекција дека работите не секогаш излегуваат онака како што вие замислувате. Ако мислите дека сте најдобар, треба да знаете дека има подобар од вас. Кога мислиш дека си на одличен пат, доаѓа повреда и по која можеш да бидеш заборавен. Јас стивнав на места на кои не замислував, а еве како завршив на 30-тина години“, зборува Куенка.
Едноставно немал избор освен да стави крај.
„Имав шест операции на коленото, сите на иста нога. Сакав да се обидам за последен пат, но таа шеста операција беше многу тешка и донесов одлука дека е време за крај. Живот има и по фудбалот, а јас сакав и тој да ми биде нормален“, изјави Шпанецот.