Премиер лигата прави преседан: Дијаз нема да биде казнет

Англиската фудбалската федерација (ФА) нема да го казни фудбалерот на Ливерпул, Луис Дијаз и со тоа ќе направи преседан.

Имено, Дијаз на вчерашниот натпревар во Премиер лигата ја покажа маичката под дресот на која беше испишана порака за колумбиските киднапери да го ослободат неговиот татко.

Членовите на герилската група на Ослободителната национална армија (ЕЛН) неодамна ги киднапираа родителите на Дијаз. Колумбиската војска многу брзо по киднапирањето успеа да ја спаси мајката на фудбалерот, но по неговиот татко се уште се трага.

Од ФА најавија дека нема да го казнат Дијаз, без разлика што правилото на здружението е дека фудбалерите не смеат да испраќаат и прикажуваат лични пораки на фудбалските терени. Беше наведено дека се работи за „посебни околности“ и дека немаат намера да отворат дисциплинска постапка.

🚨 The English FA have decided not to sanction Luis Diaz for lifting his shirt due to exceptional circumstances.

(Source: @MikeKeegan_DM) pic.twitter.com/qoURBJ7U8r

— Transfer News Live (@DeadlineDayLive) November 6, 2023