Ливерпул веќе бара наследник на Салах, има три опции

Салах во летниот преоден рок беше блиску до трансфер во Саудиска Арабија, па не е исклучено наскоро да го напушти Ливерпул.

Клубот од „Енфилд“ веќе почнува да размислува за негов наследник, бидејќи на крајот на сезоната Ливерпул ќе биде спремен да го продаде Египќанецот.

Прв избор е ѕвездата на Баерн Минхен и германски репрезентативец Лерој Сане. Клоп ќе се обиде да го убеди да дојде во Ливерпул, но Баерн е тежок преговарач.

Втор на листата желби е Рафиња од Барселона. Каталонците се спремни да го продадат на лето бидејќи имаат финансиски проблеми.

Третиот фудбалер кој Ливерпул интензивно го следи е Педро Нето од Вулверхемптон.