Натпреварот на Барселона под знак прашалник поради безбедносни причини

Одигрувањето на натпреварот помеѓу Барселона и Лас Палмас закажан за недела, 1. октомври е доведен во прашање.

Имено, како што пишуваат каталонските медиуми, постои можност натрпеварот кој е на распоред во недела од 16:15 часот да биде суспендиран поради безбедносни причини, бидејќи за недела е закажан референдум во оваа шпанска покраина. Власисте во Каталонија не можат да гарантираат за безбедноста на навивачите.

Денеска на пладне, ќе се знае дали овој натпревар ќе се одигра или не. Откако минатата недела полицијата заплени околку 10 милиони летоци, плакати и други материјали, шпанската влада е убедена дека во недела нема да има референдум, туку само јавни собири и протести на Каталонците кои бараат независност.

Каталонија, во која живеат 7.5 милиони луѓе е еден од најбогатите делови на Шпанија со свој јазик, а владата во Барселона повикува на самоопределување на народите.

Париите и десниот центар, кој се согласуваат со прогласување на република Каталонија, имаат мнозинство во регионалниот парламент и сметаат дека правото на граѓаните на изјаснување за својата иднина е над шпанскиот устав.

Шпанскиот устав, е во сила од 1978., кога во Шпанија е воведена демократија, даде автономија на провинции, но забрани одржување на референдум кој би можел да го загрози интегритетот на земјата.