Изненадувчки потег на Баерн Минхен: Се враќа легендата на клубот?

БАЕРН денес би можел да ја врати клупската легенда Жером Боатенг (35), пишуваат германските медиуми.

Стоперот кој одигра 363 натпревари за Баерн, освои 22 трофеи со него, од кои два во Лигата на шампионите и девет во Бундеслигата, треба да се појави на денешниот тимски тренинг.

Според Флоријан Плетенберг од Скај Спорт, Баерн е во преговори со поранешниот играч, кој моментално е слободен откако го раскина договорот со Лион на крајот од минатата сезона.

Причина за можната соработка се здравствените проблеми на фудбалерите на германскиот шампион.

На врвот на кариерата Боатенг беше играч и на германската репрезентација за која од 2009 до 2018 година забележа 76 настапи и освои злато (2014) и бронза (2010) од светските првенства.