Роналдо ја „разби“ Борусија и побара нов договор – сака плата како Меси!

Кристиано Роналдо пред само девет месеци потпиша нов, „доживотен“ договор со Реал кој завршува кога ќе наполни 36 години и спред него заработува 23 милиони евра по сезона. Но, на Португалецот тоа не му е доволно.

Како што пренесува „Марка“, весник кој е близок до „кралскиот“ клуб, Роналдо после трансферот на Нејмар во ПСЖ и извесниот нов договор на Меси со Барса, ќе биде дури трет најплатен фудбалер на светот.

Cristiano quiere cobrar lo mismo que otras estrellas… pero el Real Madrid no mueve ficha https://t.co/pv6dQ43NUp Te lo cuenta @jfelixdiaz pic.twitter.com/HBW9pMLZtn

— MARCA (@marca) September 27, 2017

Наводно Роналдо тоа не може да го поднесе, па затоа од претеседателот Флорентино Перез побарал нов договор, со оглед на заслугите и освојувањето на „Златната топка“.

Португалецот побарал повеќе од 25 милиони евра по сезона, но од Реал му одговориле дека моментално приоритет му е продолжување на соработката со Рамос, Асенсио и Варан.

Роналдо синоќа уште еднаш покажа дека вреди да биде најплатен фудбалер на светот, откако со два гола ја „разби“ Борусија Дортмунд во Лигата на шампиони.

Така стигна до 411 гола на 400 настапи за Реал Мадрид, додека во ЛШ се зацврсти како најдобар стрелец во историјата со 70 гола, убедливо пред Меси кој има 58 погодоци.

70 – Cristiano Ronaldo has now scored in 70 different Champions League matches (excl. qualifiers); more than any other player. Superstar. pic.twitter.com/u6SzM434US

— OptaJoe (@OptaJoe) September 26, 2017