Алегри како да се откажа: Јувентус не е фаворит за Скудетото

Јувентус вчера ја забележа втората победа во Серија А откако со головите на Данило и Киеза го победи Емполи со 2:0.

Минатата сезона Јувентус на ова исто место загуби со убедливи 1:4, па затоа може да се заклучи дека овој триумф има значење.

„Никој не сака да биде надвор од Лигата на шампионите. Минатата сезона бевме трети без бодовната каза, но што е тоа е, мораме да продолжиме. Засега не може да се каже дека ние сме фаворити за Скудетото, има тимови како Интер, Наполи и Милан кои се подобро поставени во овој момент. Нашата главна цел е место помеѓу најдобрите четири екипи“, изјави Алегри.

Во следното коло Јувентус ќе игра против Лацио кој во овој викенд го совлада актуелниот шампион, Наполи.