Виљарел доби нов тренер!

Раководството на Виљареал реши Чави Каљехо да го наследи Фран Ескриба на тренерската позиција.

Ескриба доби отказ по поразот од Хетафе, кој е трет во шестиот натпревар од почетокот на сезоната за „жолтата подморница“.

Клубот во своето соопштение објави дека решението за тренер на првиот тим го нашол во сопствениот кадар бидејќи Каљехо го предводеше Виљареал Б.

Каљехо е поранешен играч на Виљареал, кој по завршувањето на кариерата започна да работи со младите категории на клубот.