Тренерот на Тернана најави – Несторовски пред потпис!

Членот на Серија Б, екипата на Тернана и официјално потврди дека сака да го доведе македонскиот напаѓач Илија Несторовски.

Несторовски е без клуб откако му истече договорот со Удинезе каде што играше во претходните четири години. Во претходниот период се појавија најави дека Тернана е екипата која е „најзагреана“ да го ангажира.

Сега и тренерот на Тернана, Кристијано Лукарели потврди дека се обидуваат да го доведат Несторовски.

„Ќе има уште некое заминување и неколку доаѓања за да се комплетира тимот. Нашата амбиција е да останеме во Серија Б, а откако Корадо остана, со Несторовски и Масиу убеден сум дека ќе ја исполниме целта. Убеден сум дека Несторовски наскоро ќе не засили“, изјави Лукарели.