Ѓоковиќ се збуни од прашањето на новинарот, па му кажа: Не сакам да звучам арогантно, но јас сум фаворит

Новак Ѓоковиќ се пласираше во полуфиналето на Вимблдон, а по победата во мечот против Андреј Рубљев (3:1) одржа конференција за медиумите на која ги искажа своите впечатоци и очекувања пред самиот крај на турнирот.

„Не можете да ги споредувате 250 и Грен слем. Тој против мене го одигра најдобриот тенис на Грен слем, тоа се очекува од играч како него, кој е многу посветен.

Тој се обидува да се подобри и можам да видам дека играше брз тенис, ме притискаше, се обидуваше да ме оттурне од теренот и на моменти успеваше, понекогаш беше како борба со кучиња.

На крајот од третиот сет мечот беше решен, почувствував големо олеснување и ги задржав нервите до крајот. Ова е најдобриот тенис на Рубљов“, изјави Ѓоковиќ.

Тој направи паралела и со турнирот од пред две години.

„Околностите се поинакви, пред две години не можевме да излеземе од хотелот, сега останувам дома и го имам семејството со мене, имам поинакво чувство, тоа јасно се гледа во мојата мотивација. Засега е добро затоа што стигнав до полуфинале, но има уште два натпревари. Ајде да одиме предизвик по предизвик и да се обидеме да ја освоиме титулата“.

Тој зборуваше за условите за игра во Лондон, како и за квалитетот на теренот.

„Тешко е да се каже што се однесува до лизгањето, како поминува турнирот се подобро се чувствуваме на тревата. Тревата е полизгава на почетокот, особено под покривот. Мило ми е што играв со отворен покрив денес. Ова е најмалку што сум лизгал на трева. Понекогаш лизгањето е најдобрата опција, но понекогаш не. Мислам дека е подобро да трчам два, три чекори повеќе“.

Иако моментално не е рекет број еден во светот, тој се смета себеси за фаворит на Вимблдон.

„Не сакам да звучам арогантно, но секако се сметам себеси за фаворит кога ќе ги погледнеме моите резултати овде и претходните изданија на Вимблдон и новото полуфинале. Секако дека се сметам за фаворит“, заврши Ѓоковиќ.