Кулибали: Дојдов во Саудиска Арабија за да го обезбедам семејството

Дефанзивецот на Челзи, Калиду Кулибали даде искрен одговор зошто кариерата ќе ја продолжи во Саудиска Арабија.

Кулибали минатото лето пристигна во Челзи како еден од најдобрите дефанзивци во Европа, а после само една година го напушти Стенфорд Бриџ.

Сенгалецот потпиша за Ал Хилал каде ќе заработува 20 милиони евра годишно.

„Трансферот е поради пари. Се разбира, не можам да го негирам тоа. Ќе можам да му помогнам на целото мое семејство да живее добро, од родители до роднини. Исто така, работам на неколку проекти во Сенегал и ќе бидат потребни пари. Почнавме да градиме клиника во селото на моите родители. Во планот имам многу проекти за млади“, изјави Кулибали.