Бурак Јилмаз стави крај на кариерата

Eден од најдобрите напаѓачи кои Турција некогаш ги имала, Бурак Јилмаз одлучи да стави крај на кариерата.

37-годишниот напаѓач одлучи да ја заврши кариерата која ја започна во сезоната 2002/2003.

Од моментот кога првпат излезе на теренот во дресот на Анталија, до денес Јилмаз постигна 283 гола во клупскиот фудбал и освои три титули. Двапати беше шампион со Галатасарај, еднаш со Лион.

Беше еден од најдобрите фудбалери на Лил кога во сезоната 2020/2021 ПСЖ беше срушен.

Покрај Анталија, Галатасарај и Лил играше уште за Бешикташ, Маниса, Фенербахче, Трабзон, Пекинг Гуан, а кариерата ја завршува како играч на Фортуна Ситард. За репрезентацијата на Турција постигна 31 гол.