Дерби на денот: Севиља знае како се освојува, но Мурињо не знае да губи финале

Денес сите очи ќе бидат вперени во Будимпешта, каде Севиља и Рома ќе се борат за трофејот во Лига Европа.

Ова е дуел не само за престижен европски трофеј, туку и за билет во Лигата на шампиони, бидејќи двата клуба беа обезбедија пласман во ЛШ преку националните првенства. Севиља знае како се освојува Лига Европа, но Мурињо не знае да губи финале.

Севиља е експерт за Лига Европа

Севиља дојде до уште едно финале во Лига Европа и покажа дека е експерт за ова натпреварување. Шпанскиот клуб иако немаше воопшто лесен пат, сепак успеа да елиминира големи европски гиганти и се избори за уште едно финале. Во четвртфиналето сите им предвидоа елиминација против Манчестер Јунајтед, но клубот од Андалузија се издигна како „феникс“. Со оглед на лошите партии во шпанското првенство, сепак слободно може да се каже дека оваа сезона Севиља направи подвиг со пласманот во финале, бидејќи во полуфиналето го елиминира Јувентус. Севиља има сезона за заборав во шпанското првенство, каде до неодамна беше загрозена од испаѓање, но со добрите резултати во последно време успеа да се искачи на табелата. Поради тоа Севиља не игра само за уште еден трофеј во Лига Европа, туку и за билет во Лигата на шампиони за следната сезона. Што се однесува до тимот тренерот нема да може да смета само на Акуња, кој доби црвен картон во полуфиналето.

Мурињо не знае да губи финале

Рома одигра уште една лоша сезона во Серија А, каде остана надвор од Топ 4, а сигурно се очекуваше многу повеќе од овој тим оваа сезона. Меѓутоа, Мурињо уште еднаш покажа дека е тренер за европски натпреварувања и дојде до уште едно европско финале. Минатата сезона Рома ја освои Лигата на конференции, па дококу триумфира денес, ова ќе биде можеби и најзначајниот триумф во историјата на клубот. Мурињо до сега не загубил во финале, но Севиља сигирно е противник за респект. „Специјалниот“ на свој начин стигна до овде и многумина веруваат дека ќе пронајде начин да стигне до трофејот. Во полуфиналето со само еден гол го елиминираше Леверкузен, па слободно може да се каже дека имаше полесен пат до финалето за разлика од Севиља. Меѓутоа, за Рома ова не е само меч за важен трофеј, туку и меч со кој може да ја спаси сезоната и да обезбеди пласман во Лигата на шампиони следната сезона. Проблем може да биде повредата на Пауло Дибала, кој е најдобар играч на „волчицата“ оваа сезона, а неговиот настап ќе биде неизвесе до самиот почеток на мечот.

Очекување

Очекуваме неизвесен дуел кој може да биде решен после продолженија или после пенали. Мурињо знае да игра на резултат, па затоа Севиља ќе сака да постигне брз гол за да го игра мечот на свој начин.