Гвардиола: Останувам во Сити, и ако клубот биде казнет

Менаџерот на Манчестер Сити, Пеп Гвардиола изјави дека сигурно останува на клупата и следната сезона, дури и ако Премиер лигата ги казни „граѓаните“ за финансиски малверзации.

Премиер лигата во февруари покрена обвинение за Манчестер Сити за финансиски малверзации, после четиригодишна истрага.

„Останувам во Манчестер Сити и наредната сезона. Не размислувам за заминување. Не се грижете, останувам и ако бидеме казнети од Премиер лигата,. Она што би сакал е судењето да заврши поскоро и што е можно побрзо да биде решен случајот. Ако сме згрешиле нешто, сите ќе знаат“, изјави Гвардиола.

Манчестер Сити оваа сезона ја освои титулата во Премиер лигата, а ќе игра и во финалињата на ФА Купот и Лигата на шампиони.