Нејмар, Меси и Суарез повторно заедно! 📸

И покрај тоа што навивачите на ПСЖ неодамна протестираа пред неговата куќа барајќи да замине од Париз, Нејмар вчера се појави на „Парко на принцовите“ и го бодреше тимот против Ајачио (5:0).

Исто така Нејмар ја искористи можноста да го поддржи својот соиграч и пријател Лионел Меси кој по суспензијата се врати во стартниот тим на клубот од Париз. Од трибините Меси добиваше свирежи при секој допир со топката.

Нејмар го поддржа заедно со Суарез кој беше вклучен „онлајн“.

„Го гледаме нашиот пријател заедно“, напиша Нејмар и го означи Аргентинецот.

Меси, Нејмар и Суарез своевремено формираа фантастично напаѓачко три во Барселона, а во 2015 година успеаа да освојат тројна круна – Лига на шампионите, Ла Лига и Копа Дел Реј.