Касано нова изјава и нови „ОТРОВНИ“ стрелки кон Јувентус!

Антонио Касано даде своја прогноза кога во прашање е шампионот во италијанското првенство.

Екипата на Интер фантастично ја започна новата сезона во Серија А, имаат четири победи и максимален ефект како и Јувентус и Наполи. Но, „нероаѕурите“ до овој момент од првенството примија само еден погодок и според тоа ја имаат најдобрата одбрана во првенството.

Интер вечерва и гостува на Болоња и тоа ќе биде шанса за тимот на Лучијано Спалети да запише нови три бода.

За шансите на Интер да го освои Скудетото зборуваше и Антонио Касано.

„Скудетото? Интер ќе го освои, Лучијано Спалети е фантастичен тренер“, изјави кратко Касано.

Касано потоа зборуваше за Паоло Дибала и неговите одлични настапи на стартот од првенството, но истакна дека не може да се споредува со Меси.

„Никогаш нема да биде како Меси. Меси е најдобриот играч во историјата, единствено Кристиано Роналдо е човекот кој може да се доближи до неговиот квалитет. Дибала и Меси едноставно не можат да се споредуваат“, зборуваше Касано.