Тренерот на Милан, Стефано Пиоли не даде точен одговор дали Рафаел Леао ќе игра во утрешното полуфинале со Интер во Лигата на шампиони.
Пиоли потврди дека мали се шансите Леао да се опорави за утрешниот меч, но ќе биде неизвесно до самиот старт на натпреварот.
„Леао денеска тренираше самостојно на теренот, а утре ќе се обиде да биде подготвен за натпреварот, па ќе видиме што ќе се случи. Ако е добар, ќе игра. Вечерва ќе си легнам мирно. Рафа и докторот ќе ме информираат за состојбата на играчот. Ако Рафа е добар, ќе биде повикан. Во спротивно, нема да биде вклучен во групата“, изјави Пиоли.
„Нашиот тимски дух никогаш не не изневерил. Секако, ни треба и квалитет, внимание и решителност. Овој судир дефинитивно ќе биде потежок бидејќи е полуфинале во Лигата на шампионите“, додаде Пиоли.
Учество во игри на среќа е дозволено за лица со 18+ години. Играј одговорно!