Британците тврдат: Фирмино постигнал договор, познат новиот клуб на Бразилецот

Бразилскиот напаѓач Роберто Фирмино по осум години на „Енфилд“ на крајот од сезоната ќе се збогува со „црвениот“ дрес. Договорот му истекува, а двете страни не се договорија за продолжување на соработката.

Одличниот напаѓач нема да ја продолжи соработката со клубот во кој се прослави, а според последните најави ќе продолжи во Барселона.

Како што пишува британски „Дејли мејл“, 31-годишниот Фирмино договорил се со Каталонците и на крајот од сезоната ќе се пресели во Каталонија како слободен играч.

Фирмино освои бројни трофеи со Ливерпул, Лигата на шампионите, Премиер лигата, ФА Купот, Лига купот, како и Светското клупско првенство, откако во 2015 година пристигна од германски Хофенхајм.

Бразилецот одигра вкупно 360 натпревари за „црвените“ и постигна 109 гола, со што стана миленик на навивачите на „Енфилд“.