Дибала позади себе го остави и Батистута: Ваква статистика нема никој во Серија А

Пауло Дибала дефинитивно е главна ѕвезда од отварањето на сезоната во Серија А, откако во првите четири кола постигна осум погодоци.

Вчера младиот Аргентинец со хет-трик против Сасуоло го однесе Јувентус до уште една победа во Серија А.

„Два хет-трика има постигнато во Аргентина и два во Италија. Пинсоглио (третиот голман на Јуве) ми рече дека морам да постигнам три, па затоа прославив со него. Мора да разговарам со него и пред натпреварот со Олимпијакос“, се пошегува Дибала по мечот.

Дибала оваа сезона е најважен фудбалер на Јувентус, а тоа го потврдува и неговата неверојатна статистика – во првенството постигнува гол на секои 37 минути!

Во историјата на Серија А само Антонио Анџелило постигнал повеќе гола во првите четири натпревари – 11 гола во сезоната 1968-59. Позади Дибала сега останаа мајстори како Батистута, Манфредини и Борела кои после првите четири кола имаа по 6 погодоци.