Арапи можеле да станат газди на Елмас, Де Лаурентис се огласи!

Сопственикот на Наполи, Аурелио Де Лаурентис порача дека во овој момент не размислува за продажба на својот клуб.

Првиот човек на Наполи откри дека имал голема понуда од Саудиска Арабија.

„Ми понудија 2.5 милијарди евра. Меѓутоа немав никаква дилема. Веднаш ги одбив“, порача Де Лаурентис, па даде и објаснување.

„Наполи е семејна играчка и не ја даваме на никого“.

Актуелната сезона на Наполи е една од најдобрите во историјата на овој клуб, тимот е на чекор од титула во Серија А на која чекаат од времето на Марадона, но исто така ќе играат и четвртфинале во Лигата на шампионите против Милан.