Куман за играта на Холандија против Гибралтар: Шокиран сум, мораме подобро!

Селекторот на Холандија, Роналд Куман истакна дека е шокиран од учинокот на репрезентацијата на Холандија во првата недела по враќање на чело на националниот тим и дека е потребно драстично подобрување.

Во првиот натпревар од квалификациите за Европското првенство 2024 година, Холандија беше поразена од Франција со 4:0, а потоа во понеделеникот со слаба игра го доби Гибралтар со 3:0.

„Мораме да се поправиме, шокиран сум од она што го видов. Навистина мора подобро. Беше ова лоша недела, многу играчи се разболеа. Доживеавме дебакл против Франција, а ниту против Гибралтар не бевме на ниво. Наскоро ќе мора да бидеп одобро.

Никогаш не сум имал вака тешка недела како селектор како сега и се надевам дека нема да се повтори“, изјави Куман.