Министерството за финансии на Шпанија: Нема докази против Барселона

Бурно е во Шпанија во изминатиот период откако беше отворена истрагата за наводна корупција на Барселона преку потпретседателот на шпанската судиска комисија Хосе Марија Енрикез Негреира.

По направената истрага, Министерството за финансии на Шпанија утврдило дека нема докази против Каталонците, објави шпанската новинска агенција ЕФЕ.

Имено, во нивната истрага тие заклучиле дека нема никаков доказ дека со парите кои Барселона му ги исплаќала на Негреира се влијаело на резултатите. По ова извесно е дека против каталонскиот гигант нема да има никаква постапка.

Ќе потсетиме, Барселона беше обвинета дека во период од 2001 до 2018 година му исплаќала пари на потпретседателот на судиската комисија со цел за консултантски услуги околу судењето и подготовка на тренерите и фудбалерите за арбитражата на шпанските судии.

The Spanish Treasury have found no evidence that Barcelona’s payments to former referee committee vice president Negreira influenced results, reports @EFEnoticias pic.twitter.com/ivdcM2yThh

— B/R Football (@brfootball) March 21, 2023