Дома Фудбал Ди Марија: Одиме да ги освоиме Лига Европа и купот, а дали ќе останам не знам

Ди Марија: Одиме да ги освоиме Лига Европа и купот, а дали ќе останам не знам

Фудбалерот на Јувентус, Анхел Ди Марија истакна дека неговата екипа ќе се обиде оваа сезона да ја освои Лига Европа и Купот на Италија со што сезоната би можела да се смета за успешна.

Јувентус како што е познато беше казнет со 15 бодови и во овој момент не е во борба за титулата, но дури и бодовите да се вратат како што се последните најави, Наполи и понатаму би имал голема предност.

Ди Марија беше стрелец во вчерашниот натпревар против Фрајбург во осминафиналето од ЛЕ.

„Среќен сум што и помогнав на екипата и се надевам дека така ќе продолжиме до крајот на сезоната. Ќе дадеме се од себе да ја освоиме Лигата на Европа, тоа е една од нашите цели. Ќе се обидеме да ги освоиме овие два трофеи“, изјави Ди Марија за „Скај Италија“.

Новинарите го запрашаа и дали ќе остане во Јувентус и наредната сезона.

„Ќе разговараме, не знам. Тука сум среќен и можам да почувствувам поддршка од навивачите, на почетокот ми беше малку тешко“, истакна Аргентинецот.

Коментари
Прочитајте поврзани статии
Load More In Фудбал

Проверете

Андора прва на патот на фудбалерките кон повисок ранг во Лигата на нации

Македонските фудбалерки ќе го отворат циклусот во март 2027 со два домашни дуела. Во група…