Реал Мадрид ќе ја бојкотира ФИФА

Од Реал Мадрид донеле одлука да не ја уважат со никакво присуство церемонијата на ФИФА за наградите за најдобрите во 2022 година.

„Марка“ открива дека Реал ќе ја бојкотира церемонијата „FIFA The Best“, на која за најдобар ќе биде прогласен Лионел Меси,  за најдобар тренер Лионел Скалони, а за најдобар голман Емилијано Матинез.

Во секоја категорија „кралскиот“ клуб имаше свои претставници во Карим Бензема, Карло Анчелоти и Тибо Куртоа.

Притоа се очекува Бензема, Модриќ и Куртоа да бидат избрани во идеалниот тим на годината. Гала церемонијата ќе се одржи во 21 часот во Париз, но никој од Реал нема да присуствува.