АМС ги подели ваучерите: Најмногу пари за РФМ, повторно „нула“ на сметката на ФФМ

Aгенцијата за млади и спорт денес ги објави сумите кои ќе ги добијат федерациите и спортистите преку ваучерскиот систем за 2023 година.

Повторно и оваа година најмногу пари завршија во Ракометната федерација која добива 14 милиони денари. Зад РФМ следи Кошаркарската федерација за која ваучерот изнесува 12.3 милиони денари, потоа Одбојкарската со 10.8 милиони денари.

Како и минатата година и сега Фудбалската федерација остана без ваучер.

Помеѓу клубовите најголемите ваучери ги добија Шкендија, Шкупи, МЗТ Скопје и РК Вардар.

Шкендија и Шкупи добија по 11.5 милион денари, а од фудбалските клубови зад нив е струмичката Академија Пандев со еден помалку.

Актуелниот шампион, РК Вардар доби ваучер од 17 милиони денари, зад него очекувано е Еурофарм Пелистер со 15.5 милиони денари.

Во кошарката МЗТ Скопје добива 13 милиони, ТФТ два помалку. Потоа следи Пелистер со 9, Феникс со 8.6, Работнички доби 8.4 милиони денари.

КОМПЛЕТЕН СПИСОК НА СПОРТИСТИ – ТУКА

КОМПЛЕТЕН СПИСОК НА ФЕДЕРАЦИИ – ТУКА

КОМПЛЕТЕН СПИСОК НА КЛУБОВИ – ТУКА