Избрана најголемата судиска грешка во историјата

Порталот како најголема ја избра грешката на судијата Грахам Пол, во групната фаза од Мундијалот во 2006, на натпреварот помеѓу Хрватска и Австралија.

Имено, англискиот судија на хрватскиот дефанзивец Јосип Шимуниќ му покажа три жолти картони.

„Ова беше нешто посебно. Англискиот судија Греам Пол направи спектакуларната грешка на натпреварот помеѓу Хрватска и Австралија. Пол успеа да му покаже три жолти картони на хрватскиот дефанзивец Јосип Шимуниќ. Се разбира, Пол ги спакува куферите и отиде дома, никогаш повеќе не судеше на Светско првенство“, опишува порталот.

Меѓу најголемите грешки се и голот на Џеф Харст во 1966 година, во финалето на СП меѓу Англија и Германија. Тука се и „Божјата рака“ на Марадона и играњето со рака на Анри в баражот Франција-Република Ирска за пласман на СП.