Манчестер Јунајтед без три ѕвезди против Барселона

Менаџерот на Манчестер Јунајтед и понатаму има проблем со повредени фудбалери.

Те Хаг потврди дека нема да може да смета на Антони, Марсијал и Мектомини за мечот со Лидс викендов, како и за мечот со Барселона во Лига Европа.

„Не очекувам никој од Антони, Марсијал и Мектомини да биде спремен за недела. Не можам да кажам 100%, но претпоставувам дека ќе го пропуштат и мечот со Барселона. Оваа сезона календарот е многу натрупан и ситуацијата со повредите е нормална, такви работи се случуваат во фудбалот“, изјави Тен Хаг.