Модриќ денес испиша историја во Реал Мадрид

Хрватскиот репрезентативец Лука Модриќ денес против Мајорка влезе од клупата за резерви и испиша историја со „кралскиот“ клуб.

За Модриќ ова беше 439 настап во дресот на Реал Мадрид  со што го помина Роналдо на 19-то место на листата фудбалери со најмногу настапи за „кралскиот“ клуб.

Модриќ во 2012 година пристигна на „Сантиаго Бернабеу“ и изгради легендарен статус во клубот, а до сега со Реал Мадрид има освоено 21 трифеј, од кои пет во Лигата на шампиони.

Само тројца странци во историјата на Реал Мадрид имаат повеќе настапи од Модриќ и тоа се Бензема (607), Марсело (546) и Роберто Карлос (527).