Познати датумите на двете Ел Класико во Купот

Шпанската фудбалска федерација денес ги одреди датумите на двата полуфинални натпревари во Купот помеѓу Реал Мадрид и Барселона.

Првата средба е на Сантиаго Бернабеу на 2-ри март во 21 часот, а реваншот на Камп Ноу ќе се игра на 5-ти април во 22 часот.

По принцип овие дуели требаше да се игра во февруари, но програмата беше променета бидејќи Реал треба да игра на Светското клупско првенство од 8 до 11 февруари.

Во меѓувреме вечните ривали ќе одиграат уште еден дуел, на 19 март во рамките на Примера.