Роналдо не е доволен, Ал-Наср спрема богата понуда за Азар

Кристиано Роналдо дефинитивно нема да биде единственото големо име кое ќе пристигне во Ал-Наср и Саудиска Арабија.

Саудискиот клуб е во потрага по нови големи ѕвезди,а  прво име на списокот е Еден Азар од Реал Мадрид.

Азар и оваа сезона не добива голема минутажа и главно е на клупата за резерви, а Реал сака што побрзо да се ослободи од него.

Реал издвои големо богатство за Еден Азар, но Белгиецот никогаш не ги оправда очекувањата, па сака да се ослободи од неговата висока плата.

Шпанските медиуми пренесуваат дека Ал-Наср спрема понуда за Белгиецот која нема да може да ја одбие.

32-годишниот офанзивен фудбалер нема понуди од други големи клубови ширум Европа, па е спремен да му се придружи на Роналдо.